Ощх чъы1эм, зылъэгъурэм ыгъэш1агъоу, ос ц1ынэр щэджэгъоужмэ адэжь къыхьыгъ. Сыхьат зыт1ум тхьэпэ пытэкъугъо имыфэгъэ чъыгхэр осым зэлъибгъагъэ. Ш1уц1эгъак1эр дунаим темытыжьэу, тыдэ уплъагъэми фыжьыбз. Ош1э-дэмыш1эу, къызэрежьагъэм фэдэу, осыр теужьыгъ, бжыхьэ тыгъэри жьыбгъэм зэрифэрэ пщэ пытхъафэмэ къакъоплъыгъ.

Хыжьым ос ц1ынэу къыхьыгъэр тек1и, мэфэ ош1ук1э дунаим зыкъызэблихъужьыгъ. Ч1ым пахъэу къыхихыщтыгъэми, тыгъэнапэм укъигъэфабэу, бжыхьэгоу зэрэщытыр пщыгъупшэу тыгъэр къепсы.

/Мэщбэш1э Исхьакъ/